أخويا إحساس أنا مش عارفة أقول أيه أنا الظروف حكمت عليا إني ماقدش أتابع المباراة غير من خلالكم على المنتدى، كلمات المقالة خلت عينيا تدمع وأغرقت وجهي حزنا، جعلتني أن أشعر أن تشيلسي ضاااااااع وذلك ما دمرني حتى في حياتي الخاصة فمعظم الوقت أفكر كيف أبطال الدوري الماضي اصبحوا الخامس بكل البساطة دي؟؟
طيب أيه السبب يانااااااس؟؟
لامبارد؟ أهو رجع...
يمكن ضعف الفرق الإنجيزية الموسم الماضي كسبتنا الدوري وإحنا مستوانا ماتغيرش؟؟ لأ ماعتقدش إن كل الفرق الإنجليزية فجأة تستفيق وتهزمنا وتتعادل معانا بكل البساطة دي...
يمكن عشان كبر السن؟ ليه هو توريس عنده 80 سنة، مايجيب جول...
هل السبب ويلكنز ورحيله؟ إحتمال لكن هايأثر كل التأثير دا؟؟ ماعتقدش....
أنشيلوتي؟؟ يمكن يكون جاله زهايمر ونسي أزاي كان بيدربنا السنه اللي فاتت..
بس اللي أنا متأكدة منه ومايختلفش عليه أتنين غن تشيلسي 2011/2010 لا يعرف تشيلسي 2010/2009 لا في جمال اللعب ولا حتى في طريقة الفوز
وأرجوك ماتقوليش غن السبب رحيل ديكو وبالاك وجو كول.. أنا أعترف إن مكانهم عندنا كان الدكة وخسارة لاعيبة زي دي تموت على الدكة يمكن رحيل كارفالهو أثر لكن دفاعنا قوي سؤاء بيه أو من غيره
أنا بجد حاسة إني سبت تشيلسي وبقيت بشجع فريق تاني مايعرفش أي حاجة عن لعب البلوز
أنا طبعاً مش هاسيب تشيلسي لحد الموت مهما حصل ولو هبطوا لدوري الدرجة التالتة أنا معاهم دا تشيلسي هو حبي الوحيد على هذه الأرض، ومش هاسيبه مها حصل.
أشكرك إحساس على الموضوع الإيجابي دا لأنه بالفعل حال تشيلسي ولا أستطيع ان أضيف كلمة غير كلمة الشكر الحزينة,
