كل واـاحد يعبر بطريقتهـ..!
 

السلام عليكم ورحمة الله وبركاته

http://2.bp.blogspot.com/-cbq1_g-IrP...00/2hearts.jpg



كل واحد فينا بيحب بطريقته مش اقصد الحب العاطفى بين رجل وامرأه

ولكن اقصد الحب عامة كشعور داخل قلب كل بنى ادم
يعنى ممكن أب يكون بيقسى على أولاده جدا فى بعض الاوقات لكن فى اوقات الشدة
زى المرض والمصائب تلاقى عاطفته لازم تظهر ومش اقصد بالكلام ولكن بالافعال لان
فيه شباب كتير جدا بيفتكروا فى بعض الاقات والمراحل من حياتهم ان اباءهم بتكرههم
وده غير صحيح لان الابن بيتولد وجواه حب والديه وكذلك الاب والام اول ما ولادهم
بيتولدوا بيتولد حبهم جواهم حاجه فطرية كده من عند ربنا

بس بتلاقيهم مش عارفين يعبروا عن الاحاسيس والمشاعر دى او بيعبروا بس بطريقتهم
ومش بالضرورة تكون طريقتنا ولا بالضرورة نفهم احنا طريقتهم دى اللى بيعبروا بيها
وعلى العكس ممكن نلاقى أمهات وآباء بيفرطوا جدا فى مشاعرهم تجاه ابناءهم بالكلام
والافعال وده لان طبيعتهم كده وعادة بيكون ليهم موقف معاكس وقت الشدة يعنى مش
بيقدروا ياخدوا موقف وقت الشدائد

لكن الاحباب حاجه تانيه خالص لان بسبب ان كل طرف فى العلاقه بيحب بطريقته
بتزيد المشاكل بين الطرفين
فيه اللى بيحب بصمت اوى ومقضيها نظرات وبس ونفسه يفضل طول عمره كده
يبص فى عنيها من غير ولا كلمه لكن بتكون البنت بقى مش عجباها الطريقه
لانها عايزاه يتكلم برضه ويعبر عن اللى جواه ويفعل افعال يعنى يتقدم لها
ويجيب لها الشقه ولوازمها والرومانسيه دى تيجى بعدين
وفيه العكس تماما
لكن ..
فى الاخر هنفضل كلنا نحب بعض برضه حتى ولو اختلفت الوسيله

وده لان الحب مولود
فى القلوب بالفطره
هيفضل الاخ يحب اخته والاب يحب بنته والام تحب ابنها والزوج يحب زوجته

الله ايسلمكـ..!

حبيبي

منور اعيوني ابدعت واسحرت بردودكـ..!

تسلم ايدك ي مبدع