انوااع الشباب عند الاشاره...
 

بسم الله الرحمن الرحيــــــــــــــــــــــــــــم



اغلبيه الرجال لهم طريقتهم الخاصة في شغل أوقات فراغهم لما يكونون واقفين عند الاشارة !!!!!!

النوع الاول
وهو الي يستغل وقته ويرتب سيارته ويفتح دروج سيارته ويعفط في هال فواتير ويرميها في الشارع فجاءه ما تدري إلا وهو ناقز في ألمرتبه الي ورا يرتبها ولا تستغرب اذا شفته ناط في شنطة السيارة (الرجال مرتب)وتنفتح الاشاره والأخ مشغول في التنظيف!!



النوع الثاني
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو وأخوياه ويرقصون السياره معهم !!

النوع الثالث
وهو عكس الي قبله وهو الي يشغل شريط خالد عبد الرحمن (اى أغنية قديمة)وأنواع التغلق والحزن وطبعا الأغنية من كثر ماهي قديمه تشك انه مغنيها قبل توحيد المملكة ويكون وجهه مورم من الصياح!!


النوع الرابع
وهو الي تقول توه مكتشف انه ابو وما تسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب لتشخيصه(يستعمل اساليب التربية الحديثه)ويرجمهم بكرتون المناديل الي ماليه السيارة والفضل يعود للمحطة البنزين لو تمر جنبهم عطوك منديل هديه!!


النوع الخامس
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو أجنبي وأنواع القز في السيارات الي جنبه!!


النوع السادس
وهو الي اذا شفته ترحمه وتقول ميت من الجوع وتشك انه جالس في مطعم مو في سيارة الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في ألمرتبه الي ورآه ولا تستغرب لو شفته داب في مفطح!!


النوع السابع
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال !!


النوع االثامن والأخير
وهو إلي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانية جايبها وما خذها معاه تعرفون الجو متقلب!!


تـــــ ح ـــــــياتي

ههههههههههههههه ,,,


والله صدقت ... النوع السابع أكثر شي ,,, هع هع


يسلمووووو يالغالي ’’

ههههههههههههههههههه


يعطيك مليون عافيه على الموضوع


وعلى الابداع الرائع


والطرح الجميل


تسلم يمنالك على الموضوع

دمت بالف خير ,,

عاشق البلوز

,,