قصيدة للشاعر/ غازي بن مارق بن حليمه ( رحمه الله) في عتيبه
 

قصيدة للشاعر/ غازي بن مارق بن حليمه ( رحمه الله) في عتيبه

قصيده الشاعر/ غازي بن مارق بن حليمه – رحمه الله



انا البارحه سهران ماذقـــــت حلو النوم 000 اجاهد هجوس القلب والعالمين ارقـود

سبايب هجوسي من سوالـف عيال البوم 000 رخوم تجيب الهرج ماتحسب المنقـود

وانا من عتيبه لابتـن فعلهــم مفهـــــــوم 000 اليا صار مابين الحفيفين قدح زنــــود

اليا غيطلن باصواتهـن امهات ازقــــــوم 000 وتخالط صهيـل الخيل والعج والبارود

يبيعون الانفـس بالمعـــــارك بليا ســــوم 000 وعاداتــهم بالمعركه ياخـذون الــــزود

ديرنا من اول من محايــل اليا الجمـــوم 000 على الساحل الغربي من الضلـع للنفود

وتركنا الحجاز وباقين بالحجاز رســــوم 000 وحدرنا لنجد ونجد ماهوب ورث جدود

نزلنا بنجــــــــد ولانزلنا بحــب خشــــوم 000 نزلنا بحد السيف والعالمين شهـــــــود

لقينابه العـــــود المسمى كبـــير القــــوم 000 ابن هادي اللي يلحق الطارد المطـرود

وله لابتن عند اللقاء يشبعون الحـــــــوم 000 اليا صوتت سعدى ونادى لها مسعـود

وحصل ماحصل مابيننا وانتهى المقسوم 000 وبنينا البيوت الشامخات وركزنا العود

وغزونا مطير وحرب والهم علينا لــــوم 000 اهل عادتن وان حنت الخلج للمفـــرود

وشافو وعافو وانقلب جمعهم مهـــــزوم 000 يبــون السلامه عقبها مايبون الفـــود

وغزانا الرشيد بلابتن مثل وصف الـروم 000 ضياغم اليا جو بالمعارك تقول اســود

ورسينا كما ترسي من النايفات ارجـــوم 000 على الشاكله من نجدوال غيرنا العمرود

وليا صاح صياح وجاء للغبار غـــــــيوم 000 تجيك النشاما فوق قحص المهار جرود

وليا حل في دار الحفيفين نزل وســــــوم 000 رعوها بحدالسيف غصب على الحسود

اهل نخوة تعرف واهل نصرت المضيوم 000 وحط الشحم وان شلهبن الليالي السود

يسلمو ع الموضوع الروعه
:e55:

هلا ب ابو عتب :e1:

وش عندك ي ولد ليبيا في عتيبة :004:

مشكور عالطرح