السلام عليكم مساء الورد /صباح الورود <<<<<<لازم نروق على الصبح
المهم اليوم انا وصديقتي سوينا احلى شي في حياتنا خلوني اقول القصة
انا طالبة جديدة على المدرسة اللي انا فيها وصديقتي كذلك واحنا شاطرات ونسبتنا عالية ولله الحمد صديقتي 98.2%وانا 98% بس ما نشوف نفسنا ونتعامل مع البنات بتواضع ولكن في بنت جديدة من اول السنةوهي قاهرتنا انا وصديقتي ما دري على شنو شايفة نفسها ومسوية نفسها عبقرينو زمانها لان نسبتها 96 % المهم الابلوات عينوها مراسلة ( تودي وتجيب الكتب مع الابلوات ومثل كذا ) واليوم في حصة الرياضيات قالتلي ابلة رياضيات روحي قولي حق صف تاسع/3 بكرة لازم تجيبون دفاتر مربعات حق الرسم البياني وطبعا انا قلت اوك راحت البنت الملقوفة بقمة دلعها تقول ابلة انا مراسلة الصف قالت الابلة لها لا اونها عاد زعلت وانا رحت قلت حق صف تاسع/3 انهم يجيبون دفاتر مربعات حق الرسم البياني. بعد ماخلصت الحصة كانت مباشرة فسحة طلعت انا وصديقتي تمشينا شوية واستهبلنا شوية ((اكيد لازم نستهبل كل يوم )) وبعدين رحنا الصف ولقينا الاخت الملقوفة بعدين
قالتلنا : ابي اسألكم؟
قلنالها :تفضلي
قالتلنا : انتوا تحبوني ؟
قلنالها : (( علما انا وصديقتي ما نحب نجامل احد يعني قلنا نكرهك خلاص يعني نكرهك )) تبين الصراحة ؟
قالتلنا بدلع ماصخ : ايييه اكيد ابي الصراحة
قلنالها : احنا ما نحبك ابد لانج كريهة وملقوفة وغبية والله لو نطلع صفاتج السيئة ما بنخلص
بـــــــــــــــــــعديــــــــــــن
قالت : حرام انا مسكينة وطيبة وانا على نياتي ليش ما تحبوني ؟
قلنالها : المحبة من الله ما هو غصب
وهذا احلى شي سويناه اليوم اننا قلنا لاكره بنت في الصف عن حقيقة مشاعرنا تجاهها فيس تو فيس
هاهاهاهاها :a2a1321::a2a1321::a2a1321::a2a1321::a2a1321:
وانتظر ردودكم
hpgn ad s,dji hgd,l hkh ,w]drjd