منتديات تشلسي للأبد chelsea4ever.net - عرض مشاركة واحدة

04-07-2011, 12:44 AM

كل سنة بنحرق دمنا ويترفع ضغطنا وجوانا الأمل ولكن بيضيع هباء!!

كل سنة بنشجع تشيلسي في دوري الأبطال ونصرخ ونقول لأ السنة دي مش زي السنين اللي فاتت وتشيلسي أتطور ولكن السنة دي زي كل سنة فاتت

أنا بشجع تشيلسي من سنة 2008 من مباراة موسكو... أة ياموسكو أه
تشيلسي خسر من المانيو في نهائي دوري ابطال أوروبا والسبب؟؟؟؟ (الحظ؟) لأ مش الحظ يلا نواجه نفسنا ونقول السبب كان تيري،، ولا عشان إحنا بنحبه مانقدش نلومه؟

نجي لسنة 2009 في مباراة تشيلسي وبرشلونة... أكتر مرة بكيت فيها في حياتي
تشيلسي خسر من البارسا في قبل نهائي دوري ابطال أوروبا والسبب؟؟؟؟ (الحظ؟ والحكم؟) لأ مش الحظ ولا حتى الحكم السبب كان طريقة لعب هيدينك الغبية التقفيل الدفاعي الغير عادي لدرجة عصبتني أنا شخصياً مش بس البرشلوني،، ولا عشان إحنا بنحب هيدينك مانقدرش نلومه؟

ونروح لسنة 2010 سنة الثنائية سنة جميلة ولكن بردو خرجنا من الويفا وكان بدري جداً في الدور الستة عشر
تشيلسي خسر من الإنتر في الدور الستة عشر في دوري ابطال أوروبا والسبب؟؟؟؟ (الحظ؟) لأ السبب ماكانش الحظ خالص دا كان سوء لعب وحالات نفسية في الفريق لأسباب عديدة وأكبرهم مشكلة تيري وبردو تدريب أنشي السئ وعبقرية السبشيال ون.

2011؟؟؟؟؟؟؟؟؟؟؟؟؟؟؟؟؟
مليار علامة ستفهام
تشيلسي معلق بين الاستمرار والخروج
بين التالق والسقوط
بين الاحترام والاستهزاء
حزنت عندما رأيت تشيلسي يهدر فرص غير عادية اليوم
تشيلسي خسر من المانيو في ذهب ربع نهائي دوري ابطال أوروبا والسبب؟؟؟؟ (الحظ؟) لأ مش الحظ قوي هو اللي خلى تشيلسي يخسر ولكن إهدار الفرص. وجود راميريس غير المفيد على الأطلاق ولأول مرة سأقولها لأني أكتشفت إنني يجب أن أهاجم من احبه من اجل مصلحة فريقي (انشي لامبارد وتيري) اه الثلاثي معشوق الجماهير بما فيهم أنا انتوا تعرفوا كويس أنا قد أيه بعشق لامبارد وتيري ولكن أنتوا شفتوا هما عملوا أيه لامبارد لم يتحرك لم يعطي كما ان يعطي، تيري تنقطع منه الكرات بسهولة وكان السبب في الهدف كان لازم يوقف روني وأنشي النجم والتبديلات الغريبة اللي عملها وأزاي يقعد راميريس؟

انا عارفة اني طولت عليكم قوي
ولكن خلاصة الكلام ماتحلموش عشان حلمكم مايتحولش لكابوس ولا حتى يستهزأ بنا الآخريين
لم ولن ناخذ دوري الأبطال إنها البطولة الوحيدة التي لن يحصل عليها تشيلسي لا السنة دي ولا اللي بعدها ولا اللي بعدها واللي بعد بعدها.

أنا لا اقول لكم أنتم فقط هذه الرسالة يا عشاق البلوز بل أقولها للبلوز نفسهم
إنها عقدة البلوز

نعم دوري الأبطال عقدة البلوز هذا ما أقوله بكل بساطة
لا تعلقوا آمالكم على الرياح حتى لا تسقط وتسقطوا معها

شكراً
اختكم بلوز جيرل

;g skm>>>>