الموضوع: يمه هين الهوى بعيون بنتك صار بين ..
عرض مشاركة واحدة
قديم 09-09-2011, 02:56 AM   #1
My Love
+: [ VIp ] :+
أوسـي دزآيـن

الصورة الرمزية My Love
My Love غير متواجد حالياً

بيانات اضافيه [ + ]
 رقم العضوية : 21195
 تاريخ التسجيل :  Nov 2010
 العمر : 29
 أخر زيارة : 06-30-2021 (09:34 PM)
 المشاركات : 8,611 [ + ]
 التقييم :  8045
 الدولهـ
Iraq
 الجنس ~
Male
 اوسمتي
تميز ذهبي قلم مميز مصمم متعاون تميز فضي 
لوني المفضل : Darkblue

اوسمتي

Embarassed يمه هين الهوى بعيون بنتك صار بين ..


الهوى بعيون بنتك
يمه ... هيّن ...!!
الهوى بعيون بنتك صار بيّن ...
ما يبي له من يعلم ...!!
وصاحبي بالعشق أستاذ ومعلم
كيف اخبي ...؟!
إنتي من جدك يا يمه ...؟

الهوى بعيون بنتك
وانا بنوته
وقلبي وردي ... وصغيّر ... وليّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي

الهوى بعيون بنتك
يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يمه جنني ب حنانه
ما يخون
الهوى عنده امانه
وريحة انفاسه دخون

الهوى بعيون بنتك
مو طبيعي هالولد من جد يمه
فيه ذوق ... وفيه شوق ... وفيه للعشاق عوق
يمه يسلم لك حبيبك
والله نساني حليبك
أي ورب الكون يمه

الهوى بعيون بنتك
يمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الّمّه

الهوى بعيون بنتك
سامحيني لو حلفت إني ل " لمّه "
مو بكيفي
وضحكته خمري ... وكيفي
مو طبيعي ..
هالولد >> عمري وربيعي
وفوق هذا صار شاعر ...
كله يتغزل بخصري .... وريحة انفاسي وعطري ...
والعرق لاسال قطرة فوق قطرة وطاح من جيدي
إلى مركوزصدري
قال : احبه هذا مسكك مو عرق يانور عيني
قلت : ادري
قال : ياحلوه غرورك ...
وشمس وجهك تكسر عيوني بنورك
قلت : كافي
قال : شورك

الهوى بعيون بنتك
والله فعلا مو طبيعي
إن عشق كله جنون
وإن حكى كله فنون ...
على راسي ما يهون
إيه يمه
إيه احبه
واعصر ضلوعه واضمه
وانتشي من ريحة انفاسه ...


واذا يسمح اشمه

الهوى بعيون بنتك

خلى لعيوني كثير من البنات ... على شاني
خلى نورة وخلى لمياء وخلى خولة
ايه يمه
وخلى اسماء بنت خاله ...
وخلى سارة بنت عمه ...
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يمه ....؟! وآنا اراه إنه غرامي ...
وهو بعد مثلي يراني

الهوى بعيون بنتك
إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله

الهوى بعيون بنتك
قال لي : مرة اناظر ...
قلت : حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت

الهوى بعيون بنتك
قال : ابوسك ...؟!
قلت : تعقل ... وإلا احوسك ...؟!
قال : انا اقصد على السنة
قلت: ليت
قال : والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك

الهوى بعيون بنتك
قال يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك

الهوى بعيون بنتك
وإن خطبني لا تردونه يا يمه ...
آنا ابيه
قولي
( تم )
لا تخلين العمر يمشي الم ها يا يمه ...؟!
قولي
( تم )
.................................................. ...........
انشالله استمتعتم



برئيكم استحق التقيم

dli idk hgi,n fud,k fkj; whv fdk >>



 
رد مع اقتباس