السلام عليكم ورحمة الله وبركاته

بلياك ماعيش قصيدة للشاعر الشعبي الرائع ايهاب المالكي






بلياك ماعيش
اليكلك عشت
بعيوني احلفك منة تاخذ حذر

انة اطمئن يمك
واذا تبتعد ! من كلشي يمي انة احس بخطر

الليل يدري شكد احبك لأن
وياك عيني تستلذ بالسهر

اذبل لحد ما ارتوي بشوفتك
جن سنبلة الروح وعشرتك نهر

بلياك كلشي يصير مابيه طعم
ماميز ابين الورد والصخر





تمطر ترافة وانة اخضر غزل
وبكاع جفي قلمي يطرح ثمر

لو راد ياخذني القدر كلي الك
بس لابيني وبينك يمر قدر

علمت روحي من صغر شوفتك
ردتك صدق تبقى نقش ع الحجر

تشتاقلك عيني اذا سافرت
مثل النوارس من تحن للبحر





انه شسوي بالنظر لو رحت
من تمشي كلي حتى اضمة النظر

مادور بحبك خسارة وربح
مافكر بقلبي ربح لو خسر

كل اليهمني انة احبك فقط
حب لونة صافي ابيض من الكمر





طير انتة من مر بسمى دنيتي
وكر على روحي وعليها استقر

يسكت غصن خلقي كبل لاتجي
ينتظرك الريح التحرك الشجر

بلياك قلبي يصير مابيه نفع
شيفيد كلي الغيم البلامطر

عين الاشوفك بيها احس تختلف
مونفس عيني البيها اشوف البشر





مرات احجي صورتك ع الورق
من اخلط احساسي وي لون الصور

امشي بحياتي وامعن بخطوتك
حتى من اتيهك ع الاقل الكة اثر

انة من اعوفك جدمي يمشي بثقل
ثقل الجدام المالة من السفر

ومن تمشي عني اكون احس يختنك
والعالم بكبرة احس بيه زغر





بس لمن يردلي ارد اكتشف
كلشي بمكانه وانتة حبك كبر

Vrwd]i v,ui ggahuv hdiJhf hgJlJhgJ;Jd hfJgJdh; lJhuJdJaC