مليت العتب كافي افيض اعتاب
وما اثرعتابي بعينك الوكحه
اذاكرك بالملح وانته النسيت الزاد
اذا زادي نسيته شتذكر الملحه ؟
وبيا جرح الاذكرك وانته مثل السيف
وكل كلب اليحبك طبعك اجرحه
عفتني بلا نفس ميت وانادي عليك
ترد اردود ليش الميت اتذبحه
كلت انساك احسن من عذاب الروح
وباب الي اسدة وياك ما افتحه
اذكر مرة جفي لامسك وارجوك
من لمسة اجفوفك جفي اتمسحه
سامحني تكلي اشلون صبر الروح
اليغلط بحقي روحي مو ساحه
خليني بمجاني العتب غالي وياك
ماريدك تلطخ للعتب صفحه
عشرة وقررت انهيها هسه وياك
ابو طبع الغلط مايكدر يصلحه
الجرح لو طاب يبقى الاثر مو جود
وما حاجه بعد بعتابك اتوضحه
جروحي منك ماضن بعد ترتاح
مثل نقش بحجر ماتكدر اتمسحه
يضل شخصي جبل والمثلك انت سفوح
ولتضن بالجبل يتنازل السفحه
ومثل ماي وتطشر انه صرت وياك
قصر الحب وكع يلي اهدمت صرحه
|