شكــــتبلـــــــــــــــكم
وانه دمعه بعيني مليانه بقــــــــهر
نزلت وجرحت خدودي وصاحت اللآه ابعدكم
شكتبلكم غير كلمات اشتياق الملت
بكَلبي تصيح ... اتصيح برجاها بوصلكم
شكتبلكم ..
واني هاي عيوني جن شمس وكَمر
ينتظر جيتك نهاري وليلي كله وينتظركم
شكتبلكم ..
واني هاي الروح ذبلت بالحنين
وخلت الجلمات تبجي وذبلتلكم
شكتبلكم ..
واني بس الأمل خلاني أعيش
من بعد ما مات جسمي وظلت بروحي أملكم
شكتبلكم ...
شكتب إحساسي وشعوري الظل يردد
ظل يكل لأشواقي تعصر كلبي الكم
كَمت اسولف بيك من طيفك يمر
وبخيالي الروح تحلم كل حلمكم
اسأل بروحي وتخيل جني أسألك
ليش اكَلك يبتعد عني نظركم
وليش هاي عيوني متبطل دموع
من تظل حسراتي تبجي وتدمعلكم
احسد الماضي كَمت من ذكرياتي
الف هنياله المضه واني بقربكم
وهلكَلب نبضاته ما تنبض الي
ويا نبض اسمع يكولن آني احبكم
كون هاي الفركَه أوهام وحلم
وهي فرد كابوس اصحه وارجعلكم
شكتبلكم ..
واني هاي جفوفي تبجي بكل حرف
تبجي هاي جفوفي تبجي الصافحتكم
صعبه هاي حروفي تطلع من ادي
تذكر اللمسات الحنتها وتحنكم
تكلي انسه شلون مو سهله اليعاشر
انسه روحي يجوز بس للموت ما امسح اثركم
انسه روحي يجوز بس للموت ما امسح اثركم
|