وينك يا رمضان؟

وينك يا رمضان؟

السلام عليكم ورحمة الله وبركاته
زمان



كان الكل فرحان.. رمضان جاي عالأبواب.. والصغار منّا بحوشوا هدايا لعمو رمضان.. أو هيك كلنا كنا إنفكر.. إنوا رمضان زلمة كبير وعجوز طيب راح يكرم علينا بالخير… لمّا كنت صغير كانوا أهلي يحاولوا يعودوني على الصيام.. وبلشوا معي بصيام العصفورة.. يعني صوم لحد الظهر.. وبعيدها صيام الديك للعصر وبعدين صيام كامل. كنّا كل صلاة نروحها عالجامع.. وكنا نحب نفطر بالجامع، لأني كنت أحب التمر واللبن اللي بوزعوه هناك. يا أخي كان طعمه غير.. ما بعرف هي الجمعة في المسجد ولاّ نوع التمر اللي بتوزع.. بس بصراحة كان شعور رائع.. بتذكر صحور البطيخ مع الجبنة العكاوي.. بتذكر أنه كنت أتصحر وأنا نص نايم… بتذكر حلاوة صلاة الفجر… وبعدها كم آية كنت أقد ساعة وأنا أحاول اقرأهم.
بتذكر أنه كل صبح في المدرسة كنّا نتراهن بين بعض مين فينا صايم.. ” طبعاً من خلال قرص الجلد عند مفصل أحد الأصابع، أو من خلال مد اللسان”. كنّا كمان لمّا نتوضأ نقعد ساعة نتمضمض ونحاول ندخل شوية مي بالغلط. كنت لما أروح من المدرسة نمر عالجامع ونصلي الظهر. مرّات نسحبها للعصر في الجامع.

بتذكر جمعت الفطور مع إخواني. وبتذكر صحن الفول من جارتنا إم محمد. وما بنسى صلاة التراويح اللي كنا نمضيها قاعدين نرتاح أكثر من الوقفة بالصلاة. وكنت أحب دروس الدين في الصلاة عشان بناخذ إستراحة من الوقفة. بتذكر إني كنت أغفى في السجود بقيام الليل. وبتذكر صوت الشيخ في القرآن وانا سرحان في الصلاة.

أيامها ما كان في غير التلفزيون الأردني والشام. ويادوبك هالكم مسلسل. اللي صراحة ما تزعل إذا راحو عليك. كان في بركة في الوقت والمال.. كان رمضان ضيف عزيز وذكرى حلوه.

بس اليوم… عمّو رمضان بطل زي زمان، أخذ ذكرياتي وراحوا لغير مكان.

إحكولي.. وين رمضان؟؟؟

---

,dk; dh vlqhk?

:



:



:



:



:



:



:



:



:



:



:


"رمـــــــضــــان كـريـم"

كل عام وأنتو بخير يأحلى منتدى

جزاكي الله خير


:)

ساعات وتنطوى صفحه من الزمان
ويبدأ رمضان
كل عام والجميع بخير

ويا سكر زياده .. مبروك عليك شهر العباده
كل عام وانتي بصحه وسلامه

على الجميع مبروكـ
منووورين الصفحه غلاتي

جزاك الله خير