اسباب الهزيمة واضحة
المنتخب في حالة انهياار من فترة
ابتدينا التصفيات بتعادل مخزي مع سيراليون في ستاد القاهرة 1-1
وجون دخل فينا ميدخلش في منتخب كبير زي مصر
مع ان متش زي ده المفروض تكسبه بنتيجة عشان تتصدر المجموعة من اول متش
المتش التاني خسارة من منتخب النيجر الغير مصنف عالميا لم يشارك في اي بطولة دولية اول مرة نقابله لانه لسه متأسس من حوالي اربع خمس سنين
ومباراة ودية مع قطر نخسرها 2-1 لاول مره منتخب قطر يفوز على مصر وهدف عالمي لوائل جمعه في نفسه
ختامها كان في جنوب افريقيا لما خسرنا 1-0 هناك والموضوع كان انتهى ولكن كنا لسه محتفظين بالامل لحد متش القاهرة
الاستهتار اللي كنا بنشوفه في تصفيات كاس العالم شفناه في تصفيات كاس افريقيا بردو ومتعلمناش من اخطاءنا
اخطاء في التشكيل من الكابتن حسن شحاتة في ماتشات كتير في التصفيات
لاعبين كبار امثال سيد معوض واحمد حسن ووائل جمعه اللي هما اساس المنتخب عمرهم الافتراضي انتهى
ضعف مستوى المهاجمين بدرجة كبيرة ومفيش المهاجم اللي يخلص الكورة
كان المفترض البدأ في تجديد دماء المنتخب بعد بطولة افريقيا مباشرة مش نستنى لحد التصفيات ونبدأ نجدد
اتمنى انها تكون اخر الاحزان ومنتخب مصر يفوق بسرعة ويلحق نفسه لان بطولة افريقيا بعد الجايه هتكون سنة 2013 يعني مش هنغيب كتير والسنة الجاية على طول تصفيات كاس العالم 2014
وربنا معانا ان شاء الله ومع كل المنتخبات العربية
|
|[ آعلآنآت المنتدىآ ]| 
المواضيع المتشابهه
العرض العادي
