بسم الله الرحمن الرحيم
بدون مقدمات ..
في أمس القريب يوم الاحد قمت من النوم بدري يعني على الساعه 10 الصباح بتوقيت لندن ,, المهم قلت ابفتح موقع كوووره وابشوف متى توقيت مبارة ميلان
الا والقى مبارة ديربي لندن الساعه 4 بتوقيت لندن والميلان 2 وقلت في نفسي خلني استغل الفرصه هذي واحضرها ,, المهم رحت للملعب ووصلت
الساعه 2ونص تقريبا قبل المبارة بساعه ونص واسئل عن التذاكر وقالو مخلصه مع العلم ان سعر التذكره الرسمي 50 باوند تقريبا (320 ريال ) واروح عند السوق
السوداء الا قالو لي سعر التذكره 200 باوند وانهبل انا قلت سلامااااات والله لو انها ميلان ,, وقررت انتظر الى ما تبدا المبارة علشان ترخص شوي
وانا كنت حاط براسي يعني ما اتعدا الـ 120 باوند ,, الزبده طول الله اعماركم طحت لي بشايب ما ادري والله من وين طلع لي وقالي تبغى تذكرة قلت ايه قال انا
عندي قلت بكم تبيعها قالي بـ 40 المهم ضحكت انا قلت يا عمي طيرررر وش 40 تلعب علي انت ,, انا جاء ببالي انه ابيسرقني ومتاكد انا ,, المهم قلت له اوكيه ماني معطيك
الفلوس الا بعد ما ندخل قالي لا الحين تبغى ولا لا ,, قلت له ايه الله يلعن بليسك والشكوه لله اذا سرقني .. المهم واعطيه الـ 40 ..
والله الرجال ماسك كرتين وقالي يالله خلنا ندخل ,, والله ويدخلني داخل
الملعب ..
المهم سألته قلت له يا الحبيب قالي وش قلت له ليش انت رخيص هههههههههه قالي يا بعدي التذكره هذي حقت ولدي وولدي تبعان اليوم وجيت ولقيتك ,, عاد
قالي you are lucky boy قلت ايه والله انا لكيين مو لكي واحد ,, عاد اول ما دخلنا علطول درعم على البار الي داخل
الملعب ويخلص الاربعين
بالشرب الله يهديه بس ..
][ انتهت القصه ][
اترككم مع الصور ..
في البار الي قاعد يشرب فيه هههههههههه طبعاً داخل الملعب
لحظة دخولي الملعب
لحظة بداية المبارة
عدد الجمهور الحاضر 41 الف وكسور وهذا الرقم هو سعة الملعب
لحظة انهاء الشوط الاول
بين الشوطين نزلت تحت (( أغير زاوية التصوير ))
شاشة
الملعب والغريب انه ما فيه الا واحده وبالزاوية (يعني على الاقل حطوها الوسط )
يبيعون مجلة النادي
لحظة بداية الشوط الثاني
زاوية أخرى للتصوير
زاوية أخرى
مشجعين ارسنال الزحيفه يشعلون النيران في الملعب
عند خروج القيصر
عند لحظة فاول دروقبا الي بالعارضة
عند خروج بطل الامسية دروقبا
استديو قنوات سكاي
لحظة خروجي من الملعب
بعض من مقاطع الفيديو
أغنية تشيلسي من الجمهور + تدريبات الفريقين قبل المبارة (الحجم 45 ميقا)
http://www.mediafire.com/?jzjy1tjlwzg
الجمهور + موسيقى من
الملعب (الحجم 14 ميقا)
http://www.mediafire.com/?hulej5kyhnu
لحظة دخول اللاعبين في
الملعب + تشجيع روعه من الجمهور + تحية اللاعبين للجمهور + قرعة السنتره + صافرة الشوط الأول (الحجم 109 ميقا) حلو المقطع
http://www.mediafire.com/?tmieimgymot
فاول دروقبا الي بالعارضه (الحجم 7 ميقا) حلو المقطع
http://www.mediafire.com/?g2dzcmmnj2n
فاول في اخر الدقائق وعرضية لـ لامبارد (الحجم 4 ميقا)
http://www.mediafire.com/?oxvd3ntmwgw
جمهور تشيلسي يهتفوون ويصفقون بعد الفوز (الحجم 5 ميقا)
http://www.mediafire.com/?i5yyfywgfdm
((بصراحه المقاطع كلها حلوه ))
إنطباعي عن
الملعب : صراحة يا شباب
الملعب اقل من عادي ,,
السعه فقط 41 الف ,, شاشة واحده وبالزاوية مكانها غلط ,,
من السهولة اقتحام ارضية
الملعب (( يعني اذا جزموا الجمهور يطبون بالملعب يقدرون وبالراحة بس واحد اثنين صعبه ))
ملعب ويمبلي و الاولدترفولد أروع منها وليست هناك مقارنه ابداً (بحكم اني زرت الملعبين)
واحلى ما بالملعب قربها من المستطيل الاخضر وهذه الميزه توجد في كل الملاعب الانجليزية ..
واخيراً ,,
انتظروني في مبارة
البرازيل وايرلاندا بملعب الامارات في 3 مارس
و
الميلان والمان بملعب الاولدترفولد في 10 مارس
وأيضاً
جولة في نادي تشيلسي والارسنال من داخل النادي (قريباً جداً)
وفي الاخير ..
الحمد لله ما شفت مبارة الميلان
وللمعلومية ترا انا لست من عشاق الناديين فقط حظرت المبارة لعيون انشلوتي ..
واعذروني اخواني ترا الكميرا مو احترافيه لكن
المباريات الجايه ابشرو بالصور السنعة والاحترافية وهذا وعد مني
تحيااتي تركي ..
تراي اسمع بشي اسمه النقاط بس ما ادري وشو ياليت تكرمونا فيه لووووول
ترا الشال شال نادي الهلال ههههههههه
|[ آعلآنآت المنتدىآ ]| 
المواضيع المتشابهه
العرض العادي
