يالها من إدارة

07-02-2009, 08:22 PM

اولا احب اقول السلام عليكم ورحمة الله وبركاته
ثانيا اعتذر عن قله دخولي المنتدى الفتره الماضيه لظروف شخصيه والحمدلله عدت على خير
ثالثا اخش في الموضوع
بصراحه حاليا تشلسي تعبان محا اقول تشلسي حقول الاداره
يعني نافسنا على اكثر من لاعب ويروح علينا مو معقول !!
لو نشوف ادارة ريال مدريد ايش عملت ::
اتعاقدت مع لاعب ممكن يغير الفريق بتحركاته ولعبه
وهو ريكاردو كاكا

لاعب غني عن التعريف ويكفي اقول انه اخد احسن لاعب في العالم !!
::
واتعاقدت مع الاعب الثاني لاعب يدافع يهاجم يسجل يصنع اهداف
وهو كرستيانو رونالدو

يعني اداره ممتازه اتعاقدت مع لاعبين حيغيرو فريق الملكي بالكاامل
::
ونشوف برضو الاداره عيونها على مين
على لاعبين كبار لاعبين عمالقة
لاعب مهاجم ولا احسن مهاجم هداف خطير يعشق الشباك
هداف اليورو 2008
اتكلم عن اللاعب اللي بات قريب جدا من الريال بسبب تحركاتهم وادارتهم ماشاء الله عليهم
اتكلم عن ديفيد فيا

اداره مزبوطه يعني فيا اعطيه كوره داخل الـ 18 واتحداك مايسجلها هوا بس يحتاج صانع العاب
واكيد حيكون عندو افضل صانعين العاب يكفي اقول رونالدو + كاكا
::
ونشوف ادارة الملكي تبغا مين كمان
تبغي اللاعب المسلم المبدع
افضل لاعب في الدوري الالماني
الفرنسي بلال ريبيري

كلهم لاعبين يصنعو الفوارق وغير كدا صغار في السن ماتعدو الـ 25 سنه
فيالها من اداره ما ابغا اتكلم كتير عن الفريق الملكي ما ابغا احسدهم
::
لكن خلينا نشوف ادارتنا المتميزه
لاعبين انتهو خلاص ونبغاهم !!
امثال
بيرلو وعمره فوق الـ 30 !!

ما انكر انه لاعب كبير لكن يناس شوفو عمره 30 سنه !!
يعني كنا بنقول نبغا نتخلص من اللاعبين اللي عندنا اللي اعمارهم فوق الـ 30 نقوم نجيب لاعبين اعمارهم 30 سنه ؟؟
بيرلو فين نحتاجه ؟.
بيرلو صانع العاب ووسط مهاجم والحمدلله عندنا لامبارد احسن منه وعندنا مايكل بالاك وعندنا مايكل ايسيان
معقول نحطهم في مقاعد الاحتياط ونلعب بـ بيرلو ؟؟ لاعب عجوز لازم ياخد موسم كامل عشان يتأقلم عالدوري الانجليزي حيسير عمره 31 وحيقل مستواه كثير !! معقول انا مستغرب هل اداره تشلسي ماتفكر ؟
::
ونشوف اللاعب الثاني اللي تشلسي ميت فيه ما اعرف فين يبغا يلعبو
غاتوزو

يعني جون اوبي ميكيل مو مالي عيننا بعد الاداء الباهت الموسم اللي فات في منطقه الارتكاز
انا اشوف ميكيل احسن من غاتوزو واسرع منه ويعرف يستخدم جسمه كويس
سيبنا من ميكيل عندنا مايكل ايسيان ما انخلق اللاعب اللي يعدي منه يناس
سيبنا من ايسيان ايفانوفيتش مو مالي عيننا صاحب هدفين على ليفربول في الانفيلد ؟؟
سيبنا من ايفانوفيتش اللاعب الصاعد اللي يقدم مستويات اكثر من رائعه اللاعب اللي استدعاه كابيلو مايكل مانسين اسرع منه وقدامو مستقبل باهر وحيقدم اداء ولا احلى وعلى ضمانتي
يعني ابدا لاعبين مانحتاجهم
::
نروح نشوف اللاعب اللي نبغا نجيبو كمان
احد سمع بـ يوسف ديمبل ؟؟؟؟
والله اول مره اسمع فيه بدل ما نجيب لاعب مهاري يساعد الفريق لاعب هداف يبصمو عليه كل مشجعين الكوره نروح نجيب ديمبل !!! لاعب مغمور ومانعرفه يعني انا جالس اجيب صور اللاعبين من موقع قوقل كتبت يوسف ديمبل راحو جايبين صور لـ هاي سكول ميوسكل !! محد يعرف هذا اللاعب لكن ادارتنا الممتازه صراحه تبغاه
حتى صورة للاعب مالقيت !!
::
وادارتنا فكرت في اللاعب اغويرو لكن انا اراهن انو الاصلع محا يجيبو بس كلام زي ما اتكلمنا عن كاكا وزي ما اتكلمنا عن فيا وكلهم راحو للاداره الشغاله صح اداره الملكي
::
لكن ادارتنا حدها يوسف ديمبل ولا غلين جونسون !!
نتكلم عن غلين جونسون

محا اتكلم عن اظهرة تشلسي عندنا احسن اظهره في العالم ايش نبغا بـ جونسون ؟
بس نبغا نعطل بومبي ونخليهم يضعفو انو ناخدو منهم ؟؟؟؟
::
ماعرف اشبها ادارتنا لكن دعواتكم ياشباب والله كتبت الموضوع وانا مقهور على تشلسي والاداره التعبانه هادي مو معقول الناس تتعاقد مع اسماء كبيره واحنا مع ديمبل ولا جونسون وكل مانبغا لاعب يفيدنا تروح علينا الصفقه ايش السبب ؟؟
ادارتنا تعبانه ؟
ولا قحروطيين مانبغا ندفع قرش ؟
ولا بس فالحين نبيع لاعبين ونعيرهم زي شيفا وزي كارفاليو ؟
آسف طولت عليكم وان شاء الله ما اكون عطلتكم
اخوكم \ مهند ^^

dhgih lk Y]hvm

07-03-2009, 06:21 PM

مشكور اخوي كلامك ينقط عسل والله ابغى اسمع ان تشلسي اتعاقد مع لاعب من العيبه الكبار

07-03-2009, 11:15 PM

والله كلامك %100 نبغى لاعبين متل ربيرى او قويرو او روبن

07-03-2009, 11:31 PM

يا أخي لا تلوم الإدارة فهي تبذل أقصى ما بوسعها

و بعدين على فكرة إبراموفيتش تعب من الصرف على الموسمين الماضيين

وبعدين فريقنا مكتمل ولله الحمد ما عدا لاعب أو لاعبين

دمت بود

تحياتي,,,

07-03-2009, 11:37 PM

اقتباس:

المشاركة الأصلية كتبت بواسطة chelsea lover for ever

يا أخي لا تلوم الإدارة فهي تبذل أقصى ما بوسعها

و بعدين على فكرة إبراموفيتش تعب من الصرف على الموسمين الماضيين

وبعدين فريقنا مكتمل ولله الحمد ما عدا لاعب أو لاعبين

دمت بود

تحياتي,,,

اي والله انك صادق الادارة ماتقصر تبي للاعيبة بس ويش يسون مايقدرون

07-04-2009, 02:24 AM

اقتباس:

المشاركة الأصلية كتبت بواسطة chelsea lover for ever

يا أخي لا تلوم الإدارة فهي تبذل أقصى ما بوسعها

و بعدين على فكرة إبراموفيتش تعب من الصرف على الموسمين الماضيين

وبعدين فريقنا مكتمل ولله الحمد ما عدا لاعب أو لاعبين

دمت بود

تحياتي,,,

:a2a1245:
طيب بعطيك مثاال وااحد انوا ابرا مايبي لعيبه كباار مثل روبينهو عشان 2 مليون كنسل الصفقه

واكيد ماننسى فضل الاداره بس نبغى لاعب مهااري ياجماعه الللي عندنا ادري فيهم البركه بس قلي مين مهاجم ثاني

تقول كفوا يمسك الهجوم غير دروغبا مافي الباقي كديش سنترثالث ريكي بيطلع مين البديل له مافي غير سنترين كفو

يصاب واحد منهم بيباي بلووووووووز

:a2a1277:

07-04-2009, 02:29 AM

اقتباس:

المشاركة الأصلية كتبت بواسطة كرزي دروغبا 11

:a2a1245:
طيب بعطيك مثاال وااحد انوا ابرا مايبي لعيبه كباار مثل روبينهو عشان 2 مليون كنسل الصفقه

واكيد ماننسى فضل الاداره بس نبغى لاعب مهااري ياجماعه الللي عندنا ادري فيهم البركه بس قلي مين مهاجم ثاني

تقول كفوا يمسك الهجوم غير دروغبا مافي الباقي كديش سنترثالث ريكي بيطلع مين البديل له مافي غير سنترين كفو

يصاب واحد منهم بيباي بلووووووووز

:a2a1277:

ايفانوفيتش

ونجوم الفرق الرديف كثار و مميزين كــ - جاك كورك / جاكوب ميلز / جايل كاكوتا / سالا / فابيو بوريني / والكثير -

تحياتي,,,

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نور ينقذ الاتحاد بضربتي جزاء ويبقي صدارة الدوري السعودي على حالها	zizo shalaby	صدى الملاعب العربية Arab-football	7	11-13-2010 07:42 PM
إدارة إنتر ميلان تتوصل إلى إتفاق مع إدارة ريال مدريد بشأن الهولندي شنايدر	عاشق لامباردينو	الدوري الايطالي Calcio	2	08-16-2009 04:38 AM
تصنيف المحترفات: الصدارة على حالها وبارتولي تتقدم مرتبتين	عاشق لامباردينو	قسم الرياضات المختلفة	1	08-04-2009 08:09 PM
تصنيف المحترفات: الصدارة على حالها وبيتكوفيتش تتقدّم 37 مركزاً	zizo shalaby	قسم الرياضات المختلفة	1	07-30-2009 12:49 PM
فتاة تشتكي من خالها انه يستحم معها منذ 16 سنه !!!!	D.l.10	المنتدى الـــعــام	10	07-21-2009 10:33 PM

الذين يشاهدون محتوى الموضوع الآن : 1 ( الأعضاء 0 والزوار 1)

\|[ آعلآنآت المنتدىآ ]\|