&& مكــــالمة هاتفيـــة تسبب دمـــار عــــائلة&&!!!!

&& مكــــالمة هاتفيـــة تسبب دمـــار عــــائلة&&!!!!

بدأت أصابع تتلاعب بأرقام الهاتف وإذا به يدق أحد أرقام الهاتف وإذا بطفل يكلمه فيقول المعاكس : الوو الو .. الووووو

الطفل : الوو .. هلا من انت ؟

المعاكس : كم عمرك ؟



الطفل : 6 سنين

المعاكس : ماشاء الله ، رجال والله ، في احد جنبك قريب ؟

الطفل : لا من أنت ؟

المعاكس : أنا عمك

الطفل ( بسعادة غامرة ) : هلا عمي .. أنت اللي في السعودية ؟

المعاكس ( بنبرة يملؤها الملل ) : أي .. أي أنا اللي في السعودية وين اخواتك ؟

الطفل : ماعندي خوات

المعاكس : طيب من عندك ؟

الطفل : بس الخدامة ؟

المعاكس : حلوة ؟

الطفل : وع لا مو حلوة

المعاكس : وين أمك ؟

الطفل : في الحمام تسبح

المعاكس : يالله مع السلامة ويغلق الهاتف

بعد دقائق يعيد الاتصال

المعاكس : الووو

الطفل : هلا من عمي ؟

المعاكس : ايه .. وين أمك ؟

الطفل : راحت غرفة النوم

المعاكس :وش لابسة ؟

الطفل : ثوب أحمر .. كله غرقان (يعني ممتليء بالماء)

المعاكس : يالله مع السلامة يغلق الهاتف مره أخرى

بعد دقائق

المعاكس: الووو

أبو الطفل : الوو نعم من معاي ؟

المعاكس (بنبرة استهزاء) : اييه يا مسكين أكيد توك راجع من الدوام ؟

أبو الطفل : من أنت .. ومو شغلك راجع وإلا طالع .. خير وش تبي ؟

المعاكس : إيه لاتعصب زين بس تبي الصراحة عندك زوجة شئ والله عرفت تختار يا الذيب جسم وجمال على كيف كيفك تصدق توني نايم معاها حتى طلبت منها تلبس الثوب الاحمر

أبو الطفل : يا نذل ياقليل الأدب ، ويغلق الهاتف بغضب ويركض مسرعا الى الدور العلوي إلى غرفة النوم وإذا به يرى زوجته وعليها الروب الأحمر وشعرها مبلل وجالسة أمام التواليت ، فيخطفها ويضرب رأسها بالمرايا ويشبعها ركلا وضربا وهو يقول : اطلعي بره بيتي .. يا (.......)

(ويتابع الزوج شتائمه) : إنتي مو كفو بيت العز والنعمة

وتنظر إليه زوجته بنظرات المغلوبة على أمرها لاتعرف ماذا تقول وما الذي حل بها فتسرع تجمع شتات أغراضها مسرعة إلى بيت أهلها

ويجلس أبو الطفل بحيرته غاضبا لايعلم ما الذي فعل وما الذي حل به

أصبح الزوج في حيرة من أمره ما يدري إلى أين يذهب ولمن يشكي أمره ، لأنها غريبة ، استمر على الحال يومين لا يعرف طعم الراحة وخاصة أنه معتاد على أنه أول مايرجع يذكر كيف كانت حياته سعيدة وتنقلب بين يوم وليلة ؟

أما المعاكس...
فماعاد يقدر يذوق طعم النوم ولا عرف الراحة درب .. كل ما بغى ينام يتحلم بشكل المرأة كما تخيلها بثوب أحمر وهي تنظر حقه وتدعي عليه وتقول فرقتنا الله يفرق بينك وبين الراحة ،واخيرا ضميره صحي وراح للأطباء يبي بس ينام ولو لساعات بسيطة ، ما خلى نوع من الحبوب لكن بدون فايدة فراح إلى أحد المشايخ يشكي الحال

فقال له الشيخ : والله مالك إلا أنك تعترف للزوج والزوجة لعل وعسى يردون وترتاح إنت

فقال المعاكس : وأنا مستعد المهم أني أنام أعصابي تلفت يا شيخ

الشيخ : خلاص روح واتصل بوالد الطفل وخذ موعد معاه وأنا مستعد أروح معاك

المعاكس : أي والله يا شيخ تكفى لا تخليني

يروح المعاكس ويخلي واحد من اخوياه يتصل بالزوج وطلب موعد لرؤيته

فيسأله الزوج : من انت ؟

خوي المعاكس : راح تعرفني إذا شفتني

الزوج : مادام هذا طلبك بكرة الغدا عندي

يجلس الشيخ مع الزوج والمعاكس في مجلس بيت الزوج المنكوب فيبدأ الشيخ بكلام وبأحاديث تحث عن الإحسان والمغفرة

وبعدها يتكلم المعاكس : ويخبره بالقصة كلها فيقوم الزوج ويغلق باب المجلس ويضربه ضرب الله لايوريكم ، والمعاكس يون من الضرب اللي جاه من كل جهه

وبعدها يقول الشيخ : يا ابن الحلال علشان خاطري خلاص

فيجلس الزوج وهو يلهث من التعب ويقول : أنا مستعد أني أسامحك لكن بشرط

أنك تقول هذا الكلام لزوجتي حتى تقدر ظرفي وسبب عصبيتي

فيقول المعاكس : و الدم على وجهه أنا حاضر وكل اللي تبيه يصير

ويذهبون الى بيت الزوجة ويجلسون في المجلس ويجلس معهم اخوان الزوجة وبعدها يطلب الزوج حضور زوجته لسماع كلام من الشيخ والمعاكس فجت لمكان بحيث تسمع الكلام .. وهي تستمع الى المعاكس فيقوم الأخوة بضربه من كل صوب لدهشتهم من وقاحته وأنه كان السبب في هدم بيت أسرة كاملة .. فيفرق الشيخ بينهم ويستطرد كلامه بآيات قرأنية وأحاديث لعل وعسى أن يغفروا لهذا الشاب الطائش
فترد الزوجة بعد سكوت الشيخ وانتظار وسماع قولها

فتقول : يا شيخ لا يمكن ومستحيل أن أرجع الى شخص يضربني ويهددني بالطلاق بمجرد مكالمة طائشة هذا يا شيخ يعني أنه ليس بيننا ثقة ولا أستطيع العيش مع شخص لا يثق بي ، وراحت وهي تقول : هذا آخر رد عندي لهم ......

بعدها لم يهنأ هذا الطائش بنوم ولا هدوء ولا راحة بال واستمر الوضع على ما هو عليه حيث الزوج والزوجة مفترقان ومبتعدان والمعاكس الطائش نادم متحسف لا ينام.
السؤال ؟؟ الى اين سيكون مصير الزوج والزوجة والطفل البريئ وكل هذا من مكالمة طائشه ورجل طائش ؟؟؟؟
( ولاحول ولا قوة الا بالله )

---

&& l;JJJJhglm ihjtdJJJm jsff ]lJJJhv uJJJJhzgm&&!!!!

استغفر الله العلي العظيم إن شاء الله يرجعوا لبعض

يالله

بس الزوج ماينلام يعني يطلع فوق يلاقي نفس الوصف الي يقوله الطايش اكيد بينجن بس مدري مفروض ماكان يستعجل بس انا اقول كذا بس لو مكانه مقدر امسك نفسي اكيد بتفلت اعصابي

وأن شاء لله الكل يستفيد ومايستعجل في أي شي يسويه

ولشباب الي هواتهم يدققون على خلق الله أن شاء لله الله يهديهم

تحياتي يالغالي ع القصه

وأن شاء لله الكل يستفيد :)

أنا أقوول أنـ الغلطـ من الأمـ

تعرفوون وليش

لأنهـا كانت مخليته لحاله ويلعب بالتليفوون

ومشكوور وتقبل مروري ..

وانا اقول الغلط منهم كلهم
يعطيك العافيه